„Allir velkomnir“—Reykjavík Meat opnar dyr sínar á Frakkastígnum (Hvað er í matinn?)

Hvað er í matinn?

Fyrir stuttu heimsótti SKE veitingastaðinn Reykjavík Meat á Frakkastígnum og þá í því augnamiði að ræða við kokkinn Víðir Erlendsson, yfirkokk veitingastaðarins. 

Viðtalið var liður í myndbandsseríunni Hvað er í matinn? þar sem SKE flakkar á milli veitingastaða á höfuðborgarsvæðinu og ræðir við matreiðslukonur og menn um matseld og magarúm. 

Reykjavík Meat opnar dyr sínar fimmtudaginn 6. september en líkt og fram kemur í viðtalinu eru allir velkomnir á Reykjavík Meat—grænmetisætur þar með taldar:

„Þrátt fyrir að staðurinn heiti Reykjavík Meat þá bjóðum við alla velkomna. Það er svolítið okkar sérstaða meðal steikhúsa að bera einnig fram grænmetisrétti.“

– Víðir Erlendsson

Áhugasamir geta kynnt sér matseðil Reykjavík Meat nánar með því að heimsækja Facebook-síðu veitingastaðarins.

Nánar: https://www.facebook.com/rvkme...