BNGRBOY, Pusswhip og Malaise leiða hesta sína saman: "GODDAM I LOVE MY MAN"

Fréttir

Í gær (14. febrúar) var Valentínusardagurinn haldinn hátíðlegur. 

Valentínusardagurinn er – fyrir þá sem ekki vita – tileinkaður rómverska dýrlingnum Valentínus frá Róm en sá var hnepptur í fangelsi fyrir þær sakir að gefa kristna hermenn saman á þriðju öld eftir Krist; þá hafði keisarinn Claudius Gothicus bannað hermönnum að ganga í það heilaga með þeim rökum að piparsveinar væru ósérhlífnari á vígvellinum (einnig bjó kristið fólk undir ofsóknum á þessum tíma). Á meðan á fangelsisvist Valentínusar stóð, urðu hann og Gothicus mestu mátar en þegar að hinn fyrrnefndi reyndi að snúa keisaranum til kristnitrúar slettist upp á vinskapinn. 

Claudius Gothicus dæmdi Valentínus til dauða.

Nánar: https://en.wikipedia.org/wiki/...

Í gær fögnuðu flestir þessum degi með því að heiðra minningu Valentínusar, píslavott ástarinnar – meðvitað eða ómeðvitað – og þá líklega með útgjöldum af rómantískum toga (ef svo mætti að orði komast). Íslenski rapparinn Countess Malaise gerði hins vegar gott betur og gaf út nýtt lag tileinkað ástinni (sjá hér að neðan). Lagið ber titilinn GODDAM I LOVE MY MAN og var taktsmíð í höndum þeirra BNGRBOY og Lord Pusswhip.

Countess Malaise (sem heitir réttu nafni Dýrfinna Benita) hefur fagnað góðu gengi undanfarna mánuði en lagið hennar Watch Me (sem hún samdi í samstarfi við Black Pox og Prince Fendi) rataði meðal annars inn á árslista útgvarpsþáttarins Kronik yfir 35 bestu íslensku rapplögin árið 2017. 

Viðtal við Malaise frá því í fyrra: http://ske.is/grein/lag-um-nau...

Hér fyrir neðan eru svo fleiri góð lög í svipuðum dúr. Lengi lifi ástin.