Bróðir BIG ræðir JóaPé x Króla og rappar yfir Childish Gambino (Redbone)

EMC2


Nýverið kíkti rapparinn Bróðir BIG í hljóðver SKE en heimsóknin var liður í myndbandsseríunni „E=MC2“ þar sem nýr rappari lítur við í hljóðverið, svarar nokkrum viðeigandi spurningum og flytur rímur í beinni (sjá hér fyrir ofan).

Eins og greina má á viðtalinu er Bróðir BIG mikill aðdáandi „old-school“ rapps og vill hann meina að það sé enn líf í gamla skólanum þó svo að það fari minna fyrir honum. 

Aðspurður hvað honum fyndist um JóaPé x Króla sagðist hann sjaldnast kunna að meta svokallað „commercial“ rapp en væri þó sérdeilis ánægður með tvíeykið:

„Gaman að segja frá því að ég gaf JóaPé fyrsta sénsinn sinn en hann spilaði í fyrsta sinn ,live' á tónleikum hjá mér. Ég bauð honum að koma taka eitt lag þegar mitt sett var búið. Minn maður!“

– Bróðir BIG

Að lokum má þess geta að Bróðir BIG er einn af forsprökkum Overground Entertainment en félagið stendur fyrir heljarinnar tónlistarveislu næstkomandi 22. september á Húrra. Fram koma Bent, Elli Grill, Arkir, Geimfarar og Bróðir BIG sjálfur.

Nánar: http://ske.is/grein/hip-hop-ha...

Einnig bendum við lesendum á plötuna Hrátt Hljóð sem Bróðir BIG gaf út í sumar en platan skartar góðum gestum á borð við Gísla Pálma, MC Bjór, Seppa, BófuTófu og er aðgengileg á Spotify.