Coolio kennir hvítum karlmönnum að bera fram Hip Hop orð (myndband)

Fréttir

Nýverið kíkti rapparinn Coolio í spjallþáttin Jimmy Kimmel Live með það fyrir stafni að kenna þremur hvítum karlmönnum að bera fram svokölluð Hip Hop orð (sjá hér fyrir ofan).

Senan er innblásin af atviki úr spurningaþættinum Jeopardy! þar sem keppandi að nafni Nick tapaði 3.200 dollurum fyrir það að bera fram þekktan slagara eftir Coolio sem GangstER's Paradise en ekki GangstA's Paradise. 

„Sjaldan hef ég séð jafn sorglegan atburð,“ sagði Kimmel um atvikið. 

Þó svo að Nick hafi að lokum borið sigur úr býtum í keppninni var Jimmy Kimmel staðráðinn í því að leggja sitt af mörkum svo að slík tragedía myndi ekki endurtaka sig.

Kynnti hann í kjölfarið liðinn Pronunciation Station (Framburðarrásinn) þar sem fyrrnefndur rappari aðstoðar þrjá nördalega hvíta karlmenn að bera fram orð á borð við biatch og thang, og nöfn á borð við Will.I.Am og Flo Rida.