Despacito hljómar betur leikið á tvær reiknivélar

Fréttir

Fyrir rúmri viku síðan birti Youtube rásin It's a small world myndband þar sem ónefndur aðili spilar lagið Electrical Parade á tvær reiknivélar. 

Í kjölfarið birti rásin myndbönd af öðrum lögum í sambærilegri útsetningu sem urðu sífellt vinsælli. 

Hins vegar er ekkert myndband jafn vinsælt eins og flutningur fyrrnefnds aðila á eyrnarorminum Despacito (sjá fyrir ofan). 

Myndbandið hefur verið skoðað rúmlega 400.000 sinnum og ef marka má athugasemdir notenda Youtube þá eru einhverjir á því að ofangreind útgáfa sé jafnvel betri en upprunalega útgáfa lagsins.

Í kjölfar vinsælda myndbandsins þakkaði ónefndur „tónlistarmaður“ fyrir sig með því að koma eftirfarandi skilaboðum til áhorfenda:

„Hæ. Takk fyrir að horfa. Ég er japanskur. Og þessi reiknivél er framleidd í Kína. Svo ég keypti hana á netinu. Hún heitir AR7778. Ég fíla hljóminn. (afsakaðið enskuna mína ...). Njótið dagsins! Kveðja frá Japan.“


/


Hello. Thank you for watching. I'm japanese. and this calculator is made in china. so i bought on the internet. This calculator's name is AR7778. I like this sound. (sorry for my english..) Have a nice day! Thank you from japan."

– It's a small world

Þess má geta að myndbandið við lagið Despacito eftir Luis Fonsi og Daddy Yankee er vinsælasta myndbandið á Youtube og hefur verið skoðað rúmlega 3,5 milljarða sinnum.