„Engin spurning: Trump er rasisti.“—yngsta þingkonan í sögu Bandaríkjanna í viðtali við 60 Minutes

Fréttir

Í nýjasta þætti bandaríska fréttaskýringaþáttarins 60 Minutes ræðir blaðamaðurinn Anderson Cooper við bandarísku þingkonuna og demókratann Alexandria Ocasio-Cortez (sjá myndbrot hér að ofan). 

Ocasio-Cortez—sem er yngsta þingkona í sögu Bandaríkjanna (hún fæddist þann 13. október 1989 og er því aðeins 29 ára gömul)—tók sæti í full­trúa­deild Banda­ríkjaþings í byrjun janúar. Hafði hún bet­ur gegn re­públi­kan­an­um Ant­hony Papp­as í New York-ríki í þingkosningunum síðastliðinn nóvember. 

Nánar: https://www.mbl.is/frettir/erl...

Líkt og fram kemur í viðtalinu hafa fáir þingmenn vakið jafn mikla athygli og Ocasio-Cortez. Ásamt því að vera lýðræðissinnaður sosíalisti—líkt og flokksbróðir hennar, Bernie Sanders—hefur hún einnig beitt sér í baráttunni gegn loftslagsbreytingum.

Aðspurð hvers vegna hún væri svona fámál í garð forseta Bandaríkjanna, Donald Trump, svaraði Ocasio-Cortez að ástæðan væri sú að hann væri afleiðing stærra vandamáls ("a symptom of a problem")—en ekki vandamálið sjálft. Í kjölfarið var hún spurð hvort að Donald Trump væri rasisti, en viðbrögð hennar hafa vakið mikla athygli:

„Já, engin spurning ... þú þarft bara að rýna í orðræðu hans ... eða viðbrögð hans við mótmælunum í Charlottesville, þar sem ung kona var myrt af nýnasistum. Berðu þetta saman við hvernig hann diktar upp krísur, t.d. hvað innflytjendur varðar. Þetta er svart og hvítt.“

– Alexandria Ocasio-Cortez

Áhugasamir geta horft á viðtalið í heild sinni hér að neðan.