„Gefið textasmið Icelandair kauphækkun.“ – Matseðill Icelandair vekur lukku á Twitter

Fréttir

Í fyrradag (5. september) birti rithöfundurinn of femínistinn Blair Thornburgh mynd af matseðli Icelandair á Twitter síðu sinni þar sem hún hrósar ónefndum textasmið fyrir góð skrif en tístið hefur vakið mikla lukku meðal notenda:

Tæplega 2.000 manns hafa endurtíst myndinni þar sem kartöfluflögunum Pringles er lýst á kaldhæðnislegan hátt:

„Pringles. Auðvelt er að stafla þessum bragðgóðu kartöfluflögum upp sem er einmitt sá eiginleiki sem skiptir hvað mestu máli þegar kartöfluflögur eru annars vegar.“

– Ónefndur textasmiður Icelandair

Fjölmargir hafa tekið undir ákall Thornburg og virðast flestir fylgjendur rithöfundarins vera ansi ánægðir með textahöfunda Icelandair.