Hermigervill endurhljóðblandar Cell7: "All Night (Remix)"

Fréttir

Nú á dögunum endurhljóðblandaði Hermigervill lagið All Night eftir íslenska rapparann Cell7. Um er að ræða „sumarsynthafönkdiskó útgáfu“ (eins og Hermigervill orðaði það) af laginu sem rataði meðal annars inn á Spotify í gær (14. ágúst). 


Lagið All Night er að finna á plötunni Is Anybody Listening? sem Cell7 gaf út fyrr á þessu ári. Platan geymir níu lög og var taktsmíð plötunnar, að mestu, í höndum Fonetik Simbol (sjá neðst). Hér fyrir neðan geta áhugasamir lesið umfjöllun SKE um plötuna; okkur þykir hún stórgóð. 

Nánar: http://ske.is/grein/cell7-implied-ethic-of-slowness

Líkt og fram kom í tilkynningu sem fylgdi útgáfu lagsins á Facebook er lagið komið í spilun á Rás 2:

„Meistari Hermigervill var að gera feitt rímix sem er komið í spilun á Rás 2 og nú á allar helstu streymisveitur. Það er ekki að spurja að því, þetta sturlaða handteiknaða cover sem verður jafnframt bakhliðin á vinylnum hannaði hann Eysteinn Þórðarson.“

– Ragna Kjartansdóttir (Cell7)