Kilo fær sér húðflúr til heiðurs ömmu sinni – SKE slæst í för

SKE BLEK

Fyrir fáeinum dögum slóst SKE í för með rapparanum og húmoristanum Kilo er hann leit við á húðflúrstofuna Memoria í því augnamiði að fá sér tattú til heiðurs ömmu sinni (sjá hér fyrir ofan). SKE spurði hann spjörunum úr á meðan hann sat í stólnum.

Líkt og fram kemur í viðtalinu eru Kilo og amma hans afar náin:

„Amma mín er svona eins og móðir mín. Hún ól mig upp. Eina manneskjan sem gafst aldrei upp á mér. Ég var mjög leiðinlegur unglingur ... amma gafst aldrei upp á mér og hefur alltaf verið til staðar fyrir mig.“

– Kilo

Kilo kemur fram á tónleikunum Candyfloss næstkomandi laugardag (20.  janúar) á skemmtistaðnum Tivol í Reykjavík ásamt Ella Grill, Röggu Holm, Fever Dream, Balcony Boyz, BLKPRTY og fleirum.

Nánar: https://www.facebook.com/event...