„Kom vegna mulletsins, staldraði við vegna snilldarinnar.“—The Chats: "Pub Feed"

Fréttir

Eflaust eru margir sem samsama sig viðbrögðum Youtube-notandans Jack Gambino er fregnir af nýju myndbandi áströlsku hljómsveitarinnar The Chats bárust þeim til eyrna: "Came for the mullet, stayed for the sheer genius" (Ég kom vegna mullet-sins, staldraði við vegna snilldarinnar) en Eamon Sandwith, söngvari sveitarinnar, hefur löngum skartað eitt vígalegasta mullet í manna minnum (sjá hér að ofan).

Ekki liggur fyrir hvort að lagið Pub Feed rati inn á hljóðversplötu eða hvort að um sé að ræða einstakt lag ("single"). Síðast gáfu The Chats út plötuna Get This In Ya árið 2017. Hér fyrir neðan er svo myndband við lagið Smoko sem sló rækilega í gegn á sínum tíma.