Mac Miller sálugi með erindi í nýju lagi Free Nationals og Kali Uchis: "Time"

Fréttir

Free Nationals—sem er betur þekkt sem hljómsveit bandaríska tónlistarmannsins Anderson .Paak—gaf út lagið Time í gær (12. júní). Lagið var samið í samstarfi við Kali Uchis og geymir einnig erindi eftir rapparann Mac Miller sáluga, sem lést ungur að aldri í fyrra (aðeins 26 ára gamall). 

Lagið verður að finna á nýrri plötu Free Nationals sem er væntanleg seinna í ár. Síðast gaf Free Nationals út lagið Beauty & Essex í samstarfi við Daniel Caeser og Unknown Mortal Orchestra. Kali Uchis gaf út plötuna Isolation í fyrra. Hér fyrir neðan flytur hún ábreiðu af laginu Venus as a Boy eftir Björk.