Söngkonan Árný gefur út nýtt lag á Spotify: "Higher"

Fréttir

Síðastliðinn 14. febrúar gaf söngkonan Árný út nýtt lag. Lagið ber titilinn Higher og er aðgengilegt á Spotify (sjá hér að ofan).

Í sérstöku kynningarmyndbandi sem fylgdi útgáfu lagsins á Facebook segir Árný að lagið njóti ákveðinnar sérstöðu meðal þeirra laga sem verða að finna á væntanlegri plötu:

„Yfirleitt þegar ég sem lög þá er ég búin að ákveða fyrirfram hvað ég ætla að semja – hvað ég ætla að segja með laginu. Þá byrja ég yfirleitt á því að skrifa fullt af hugmyndum niður á blað og vinn með þær hugmyndir þegar ég sem laglínuna. En 'Higher' er eina lagið á plötunni þar sem ég ákvað ekki neitt fyrirfram heldur leyfði því að koma. Þannig varð viðlagið til.“

– Árný

Nánar: https://www.facebook.com/musicbyarny/videos/2140857082804351/

Síðast gaf Árný út lagið Nowhere I'd Rather Be (sjá hér að neðan) og fór hún eigin leiðir í dreifingu myndbandsins á netinu; í stað þess að greiða samfélagsmiðlum auglýsingakostnað beint bauð hún aðdáendum sínum að dreifa myndbandinu á Facebook í þágu góðs málefnis:

Nánar: http://ske.is/grein/nytt-fra-a...