Nýtt frá KrisH: „Er bara í góðum fíling að sötra Dr. Pepper.“

Íslenskt

Síðastliðinn 6. október gaf rapparinn KrisH út myndband við lagið Dr. Pepper. Er þetta fyrsta lagið sem rapparinn gefur út í u.þ.b. hálft ár en síðast gaf hann út lagið VinnaVinna. 

Í samtali við SKE í vikunni sagðist KrisH vera með nokkur lög tilbúin sem hann ætli að gefa út á næstunni. Vildi hann ekki tjá sig um tilurð lagsins sérstaklega:

„Ég ætla ekki að fara útskýra hvað lagið er um því það segir sig frekar sjálft. Sumir spyrja kannski ,af hverju ertu að semja svona innihaldslausa texta' eða segja mér að gera lag um eitthvað sem ,skiptir máli.' En ég ákveð ekki hvað kemur hverju sinni; það sem ég skapa á einfaldlega rætur að rekja til þess sem ég er að hugsa á þeim tíma... akkúrat núna þá ér ég bara í góðum fíling að sötra Dr. pepper og að gera tónlist.“

– KrisH

Hér er svo myndband við lagið VinnaVinna sem KrisH gaf út í byrjun árs.