Nýtt myndband frá XXX Rottweiler: Kim Jong-un

Íslenskt

Miklu stærri og sterkari en Fjallið, jú /
(Esja, Esja)
En þetta búnt er samt alltof þungt /
(Spreða, spreða)
Er með fleiri goons en Kim Jong-un /
(Með það, með það)
með meiri pung en Kim Jong-un /
(Með það, með það) 
– Bent

Þannig hefst texti lagsins Kim Jong-un sem hljómsveitin XXX Rottweiler sendi frá sér í dag (sjá hér fyrir ofan). Leikstjórn myndbandsins var í höndum Lúðvíks Páls Lúðvikssonar og Ágústs Bent. Ívar Kristján Ívarsson sá um tökur með aðstöð frá Andra Fannari Kjartanssyni. 

Í viðtali við Vísi í dag útskýrði Erpur heiti lagsins nánar:

„Það er ótrúlega mikið af notalegri, þægilegri tónlist í gangi en málið er að XXX Rottweiler er ekki sá tebolli. Tímar breytast og tónlist með, en Rottweiler eru samt alltaf snargeðveika atriðið með pung í yfirvigt sem hangir út. Og það er það sem Kim Jong-un er líka, alveg sturlaður með punginn úti að segja öllum að fokka sér.“

– Erpur

Í viðtalinu kom einnig fram að nóg væri um að vera hjá hljómsveitinni í sumar en ásamt því að koma fram á afmælishátíð Frón á Selfossi á sunnudaginn (eini staðurinn á suðurlandi sem Rottweiler hefur ekki spilað á) þá opnar sveitin einnig fyrir Prodigy á Secret Solstice.

Nánar: http://www.visir.is/g/20171706...

Þess má geta að 11 mánuðir eru liðnir frá útgáfu lagsins Negla.