Nýtt lag frá Loga Pedro og Birni: "Dúfan mín"

Íslenskt

Þúsund litlar fiðlur til að grenja við /
Dúfan mín, ég vildi ég gæti hitt á þig /

Þannig hljóðar viðkvæði nýs lags sem tónlistarmaðurinn Logi Pedro gaf út í samstarfi við rapparann Birnir í dag. Lagið ber titilinn Dúfan mín og er aðgengilegt á Spotify.

Í tilkynningu sem fylgdi útgáfu lagsins á Facebook-síðu Loga Pedro var þakklætið í fyrirrúmi:

„Ég ákvað að það væri kannski kominn tími til þess að gefa út músík undir mínu eigin nafni og hérna er fyrsta lagið mitt. Mér þykir mjög vænt um það og er ógeðslega þakklátur fyrir stuðninginn.“

– Logi Pedro

Þess má geta að Logi Pedro verður gestur útvarpsþáttarins Kronik næsta föstudag en þátturinn er í loftinu öll föstudagskvöld á milli 18:00 og 20:00 á X-inu 977. 

Hér fyrir neðan má svo sjá myndband við lagið Peakin sem Logi Pedro samdi í samstarfi við söngkonuna Young Karin og sem kom út í fyrra. Bæði Young Karin og Birnir kíktu við á húðflúrstofuna Memoria fyrir stuttu og sátu fyrir spurningum SKE meðan á heimsókninni stóð.