Nýtt lag yfir áður óheyrt bít frá J Dilla—Common: HER Love

Fréttir

13. júní síðastliðinn gaf bandaríski rapparinn Common út lagið HER Love í samstarfi við Daniel Caesar og Dwele (sjá hér að ofan). Lagið samdi Common yfir áður óheyrt bít frá taktsmiðinum goðsagnakennda J Dilla, sem lést langt fyrir aldur fram árið 2006. Myndbandinu leikstýrði Savanah Leaf.

Samkvæmt fréttatilkynningu sem fylgdi útgáfu lagsins er fyrri hluti titilsins skammstöfun (H.E.R. merkir Hip-Hop in its Essence is Real) alveg eins og í laginu I Used to Love H.E.R. sem Common gaf út árið 1994 og sem er löngu orðið sígilt meðal áhugamanna um rapptónlist (sjá hér að neðan). 

Lagið verður að finna á væntanlegri plötu Common. Síðast gaf rapparinn út plötuna Black America Again árið 2016. Þá heldur Common í tónleikaferðalag í júlí.