Nýtt myndband GKR og BNGRBOY vekur athygli erlendis: "A Must-See"

Íslenskt

GKR hefur haft sig lítið í frammi undanfarin misseri, eða allt frá því að hann fagnaði útgáfu plötunnar GKR í febrúar á þessu ári í Gamla Bíó.

Í gær (14. nóvember), hins vegar, frumsýndi rapparinn myndband við lagið UPP á Prikinu. Lagið pródúseraði BNGRBOY og leikstýrði GKR myndbandinu sjálfur. Bjarni Felix Bjarnason sá um tökur myndbandsins.

Athygli vekur að vefsíðan Pigeons and Planes frumsýndi myndbandið í morgun – undir yfirskriftinni Þetta skrautlega myndband frá íslenska rapparanum GKR verður þú að sjá – og hafa fjölmargir erlendir aðdáendur tjáð sig um myndbandið á Youtube í kjölfarið.

Nánar: http://pigeonsandplanes.com/mu...

Greininni fylgir stutt viðtal við GKR þar sem hann segist ávallt hafa haft það fyrir stafni að gera íslenskt rapp þekkt fyrir utan landsteinana. Lýsir hann jafnframt laginu UPP með eftirfarandi orðum:

„UPP snýst um að stefna hátt án þess að leyfa neikvæðum einstaklingum að draga mann niður.“

– GKR

Að lokum má þess geta að GKR verður gestur útvarpsþáttarins Kronik næstkomandi föstudag. Þátturinn er í loftinu á milli 18:00 og 20:00 á X-inu 977.