System of a Down heiðurstónleikar á Hard Rock á laugardaginn

Viðburðir

Næstkomandi 14. október verða sérstakir System of a Down heiðurstónleikar haldnir á Hard Rock Café í miðbæ Reykjavíkur. Er þetta í þriðja sinn sem sveitin er heiðruð en líkt og fram kemur á Facebook-síðu viðburðarins þá þarf vart að kynna System of a Down fyrir rokk aðdáendum:

„System of a Down var stofnuð í Kaliforníu árið 1994 og hefur gefið út fimm plötur en þær hafa selst samtals í yfir 40 milljón eintökum. Hljómsveitin hefur vakið athygli fyrir pólitíska ádeilu í textum sínum og áhrif frá Armenskri þjóðlagahefð en allir meðlimir sveitarinnar eiga rætur að rekja til Armeníu.“

– (frá Facebook-síðu viðburðarins)

Miðar í forsölu kosta litlar 2.500 kr. en miðaverð við hurð er 3.500 kr. Opnað er inn kl. 21:00 og tónleikarnir hefjast kl.22:00.

Heiðurssveitina skipa:
Stefán Jakobsson - Söngur
Finnbogi Örn Einarsson - Söngur
Hrafnkell Brimar Hallmundsson - Gítar
Þórður Gunnar Þorvaldsson - Gítar/hljómborð/söngur
Erla Stefánsdóttir - Bassi/söngur
Sverrir Páll Snorrason - Trommur

Nánar: https://www.facebook.com/event...

Hér eru svo nokkur sígild lög frá System of a Down.