Tierra WHACK ber ekki nafn með rentu: "Hot 97 Freestyle" (Lauryn Hill 2.0)

Fréttir

Meðal þess listafólks sem stóð upp úr á tónlistarhátíðinni Iceland Airwaves 2018, að mati blaðamannsins Ryan Leas hjá vefsíðunni Stereogum, var bandaríski rapparinn Tierra Whack: 

„Með fullri virðingu fyrir íslensku rappsenunni, þá stóð Tierra Whack upp úr á Iceland Airwaves ... sem ein fárra upprennandi bandarískra listamanna á Airwaves í ár, voru tónleikar hennar ótrúlega hressir; Whack og plötusnúður hennar skiptust á bröndurum á milli laga og virtust undrandi á þeirri staðreynd að þau væru að troða upp á Íslandi.“

Nánar: https://www.stereogum.com/2022...

Í gær (22. nóvember) var Tierra Whack svo gestur plötusnúðsins Funk Flex, á útvarpsstöðinni Hot 97 í New York. Rappaði hún yfir taktinn Put Your Hands Where My Eyes Could See—sem rapparinn Busta Rhymes gerði frægt á sínum tíma—í beinni og uppskar mikið lof hlustenda (sjá hér að ofan). 

Líkt og greina má í athugasemdakerfi Youtube eru margir áhorfendur á því að Tierra WHACK (bandarískt slanguyrði sem merkir lélegur) beri alls ekki nafn með rentu; sumir ganga svo langt að líkja henni við Lauryn Hill (Fugees).

Þess má einnig geta að Tierra Whack gaf út plötuna Whack World í lok maí á þessu ári. Um ræðir 15 laga hljómplötu þar sem öll lög plötunnar eru einungis ein mínúta á lengd.

Platan er, að mati SKE, ein af plötum ársins. 


Áhugasamir geta lesið umfjöllun SKE um Whack World með því að smella á hlekkinn hér fyrir neðan.

Nánar: http://ske.is/grein/tierra-wha...

Hér er svo myndband við plötuna Whack World.