TINY snýr aftur: „Niðrágólf“ (myndband)

Íslenskt

Orðið á götunni er að rapparinn TINY vinni nú hörðum höndum að nýrri plötu og er platan væntanleg á þessu ári, samkvæmt heimildum SKE.

Í nótt gaf TINY aðdáendum forsmekk af því sem koma skal með útgáfu nýs lags og myndbands; lagið ber titilinn Niðrágólf og er einskonar óður til afturendans (sjá hér fyrir ofan). BNGRBOY sá um bítið og var það Ingimar Elíasson sem leikstýrði myndbandinu. Mix og mastering var í höndum Redd Lights.

TINY hefur lengi verið einn fremsti rappari landsins og gekk á sínum tíma í raðir hljómsveitarinnar Quarashi. Síðast gaf hann út myndband við lagið Thought U Knew sumarið 2016.

Ekki náðist í Tiny við vinnslu fréttar.